Plantun de Prouvènço

Pèr coumpara dos planto d'encò nostre

Lythrum salicaria & Epilobium alsinifolium

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Epilobo(-di-fueio-de-lineto)

Epilobium alsinifolium

Onagraceae

Nom en français : Épilobe à feuilles d'alsine.

Descripcioun :
Aquesto epilobo trachis sus li roucas tressusant, en ribo de riéusset e dins li coumbo à nèu de mountagno. Coume fai de fiéu (estouloun) douno de coulounìo de planto sarrado. Fai partido dóu group qu'a lis estigmato en calos e pas en crous. Apoudèn que lis óuviero e li fru an quàsi ges de péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 2 m
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Epilobium
Famiho : Onagraceae

Ordre : Myrtales

Coulour de la flour : Roso
Petalo : 4
Ø (o loungour) flour : 2 à 2,5 cm
Flourido : Estiéu

Sòu : (Si) Ca
Autour basso e auto : 1400 à 2800 m
Aparado : Noun
Juliet à setèmbre

Liò : Coumbo à nèu - Roucas tressusant - Riéusset - Gaudre
Estànci : Mountagnard à Aupen
Couroulougi : Bourealo
Ref. sc. : Epilobium alsinifolium Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lythrum salicaria & Epilobium alsinifolium

CCC

Coumpara Tè-di-paure emé uno autro planto

Coumpara Epilobo(-di-fueio-de-lineto) emé uno autro planto